ވިޝަން:

ޢާއިލާތަކުގެ ބިންގާ ހަރުދަނާ ގޮތުގައި އެޅުމަށް ޤާނޫނުގެ ތެރެއިން އެހީތެރިވެދިނުމާއި، ޢާއިލާތަކުގެ މެދުގައި ދިމާވާ މައްސަލަތައް އަވަސްކަމާއެކު ވަކިފަރާތަކަށް ބުރަނުވެ ތަޢައްޞުބުން އެއްކިބާވެ ތިބެ ޤާނޫނާއި ޤަވާޢިދުގެ ތެރެއިން އިންޞާފު ހޯދައިދީ ޢާއިލާތައް ޙިމާޔަތްކުރުން.

މިޝަން:

ޢާއިލާތަކުގެ މެދުގައި ޢަދުލު އިންޞާފު ޤާއިމުކޮށްދިނުމަށްޓަކައި މާތްވެގެންވާ އިސްލާމްދީނާއި، ދިވެހިރާއްޖޭގެ ޖުމްހޫރިއްޔާގެ ޤާނޫނު އަސާސީއާއި ޤާނޫނާއި އެއްގޮތްވާ ގޮތުގެ މަތިން ކޯޓުގެ ލަނޑުދަނޑިތައް ޙާޞިލްކުރުން.

ލަނޑުދަނޑިތައް:

1-      ޤާނޫނުތަކާއި އެއްގޮތްވާ ގޮތުގެ މަތިން ކޯޓުގެ މަސައްކަތް ކުރުމާއެކު އެއްދުވަހުން އަނެއް ދުވަހަށް ހަރުދަނާކޮށް ކޮލިޓީ ހިފެހެއްޓުން.

2-      ކޯޓުގެ ފަނޑިޔާރުންނާއި މުވައްޒަފުން ތަމްރީން ލިބިފައިވާ ބަޔަކަށް ވުން.

3-      ކޯޓުގެ ފަނޑިޔާރުންނާއި މުވައްޒަފުންގެ ޢިލްމީ ޤާބިލްކަން އަބަދުވެސް އިތުރުކުރުން.

4-      ކޯޓުގެ ނިޒާމް ހިންގުމުގައި ވީހާވެސް ބޮޑަށް ޒަމަނީ ޓެކްނޮލޮޖީ ބޭނުންކޮށްގެން އަވަސް ޚިދުމަތްދިނުން.

5-      ޢާއިލާތަކަށް ރައްކާތެރިކަމާއި ޙިމާޔަތް ހޯދައިދިނުމުގެ ސިޔާސަތުތައް ތަންފީޛުކޮށް މުޖުތަމަޢުގެ އަމާންކަމާއި ސަލާމަތްތެރިކަމަށް މަސައްކަތްކުރުން.

6-     ޢާއިލާތަކުގެ ޙައްޤު ހޯދައިދީ ލިބިގަތުމަށް ކުރަންޖެހޭ ކަންކަން ކުރުން.

7-     އެންމެން އިތުބާރުކުރާ އެކުވެރި މާޙައުލެއްގައި އެންމެ ފުރިހަމަ ގޮތުގައި ޚިދުމަތްދިނުން.

ކޯޓުގެ ވެލިއުސް:

1-      ކޯޓަށް ފަސޭހައިން ވާސިލުވުން.

2-      މިހާރަށްވުރެ މަސައްކަތް ހަލުއިކުރުން.

3-      ޒިންމާދާރުކުރުވުން.

4-      ހަމަހަމަކާމާއި އިންޞާފު

5-      ރައްޔިތުންގެ އިތުބާރާއި ޔަޤީންކަން.